tirsdag 15. oktober 2013

Nydelege haustdagar og ord til ettertanke

For nokre fantastiske haustdagar me har hatt! Sola skin frå knallblå himmel og haustfargane kjem verkeleg til sin rett. Lufta er klar og frisk og det er nydeleg å vere ute og gå tur, for deretter å gå inn ei varm stove. Hausten gir meg ei sånn ro inni meg. Det er noko fredfullt og vakkert over denne årstida.

Her er nokre bileter frå då me var i Ølve i helga, ei lita bygd ytst i Hardanger. Her kjem mamma i frå og besteforeldra mine bur her. Den finaste stad på jord, det har eg alltid sagt. 








Det er med livet som med naturen, den består av ulike årstider. Det er lett å tenke når det er vinter; å om det berre kan bli vår, eller om våren; om berre sommaren kan koma litt fort og når sommaren er her lengter me etter den vakre hausten... Er det ikkje oss menneske i eit nøtteskal? I alle fall kan eg kjenne meg igjen i det.

Nett no er det vår i livet mitt. Barna er fortsatt små og det er mykje som endå er ved sin spede start. Eg er på mange måtar uerfaren i livet og har mange år framfor meg. Vår er også årstida der me sår. Seinare vil me hauste det me sådde. Slik er det med barna våre også. Me vil sjå igjen seinare det me invisterte i dei når dei var små. Det er no me kan gi dei tryggleiken, nærheten og varmen dei treng. Det fundamentale grunnlaget vert lagt ned desse viktige barneåra.

Det er med livet som det er med årstidene. Det er så lett å leve der framme og tenke at alt skal bli så mykje betre etterkvart. Me ser fram til å bli ferdig med bleieungar og nattevåk. Me gler oss til mindre rot og meir orden. Kleshaugen får fram eit sukk i oss og all oppvasken tar knekken på oss. Trur me. Nokre år seinare forsto me at me tok feil. Det var sjølve livet, dagane me hadde den gong. Ei tid me aldri får att. Ei vakker årstid som må nytast så best den kan. Sommaren og hausten kjem fort nok. No er det dagen i dag som må levast, her og no.

Tante Grethe i Ølve sa det så fint; tida då ein kan breie på barna kjem aldri att. Sistemann i huset hos dei har nett flytta heimanfrå for å gå på skule. No er det berre to sett gamlingar igjen her på garden, la ho til. Det kan vere krevjande med små barn og ein kan ofte kjenne seg trøytt og sliten. Samstundes er det ei så vakker tid, som me berre må ta vare på. Å få ta del i barna sine liv frå dei er i magen til dei blir fødd, utviklar seg frå å vere små og totalt avhengige til å bli store og sjølvstendige, er verkeleg ei spanande og fin epoke i livet. Denne tida då ein kan legge dei i senga si om kvelden og breie dyna godt over dei, med visshet om at her er dei trygge, får ein ikkje att. Dei er så skjønne, desse små menneskebarna. Ingen får fram i oss så mange smil som barna gjer. Dei representerer glede med stor G.

Foreldra mine har også nettopp sendt yngstemann ut i verda. No er det berre dei to igjen. Me er 5 søsken i familien så det har vore tider med mykje liv i huset som er min barndomsheim . Og med 5 barn følger det også med mykje arbeid. Det vere seg rydding, klesvask, køyring, matlaging, leksehjelp, for å nemne noko. Men så kjem dagen då alt ligg på akkurat den staden der du la det i går kveld. Når ein vaskar og reingjer og det held det seg ryddig heile veka. Oppvask for 2 er gjort på null komma niks. Ettermiddagane er rolege og ein lurer på kva ein skal prate om no som ikkje ungane opptar ein på same måten lenger. Alt er annleis. Sommaren er på hell og hausten er på veg fram. Ein vakker haust der ein skal få hauste det ein har sådd. Er det ikkje fint laga til? Livet, med fire årstider, alle med sin sjarm.

Ta vare på dagane, livet og det du står i akkurat no. Klarar du å setje pris på den årstida du befinn deg i, vil du vere klar for ei ny epoke i livet når den tid kjem.


Endeleg fekk eg posta innlegget, etter å ha hatt litt problem med blogspot. Fekk ikkje lasta opp bilder i går. Andre med same problem? Ikkje like strålande haustver i dag, men slik kan det jo alltid vere anten det er vår, sommar haust eller vinter. Det er ikkje alle dagar sola skin frå blå himmel :)


Klem K

7 kommentarer:

  1. Ja det er så sant. Viktig å ta vare på tida som er nå.
    Eldstemann her i huset er reist på langtur. Ut i verden på måfå,
    En kan bare be for han å håpe på at alt går bra.
    han får sikkert mange flotte opplevelser.
    Ja det er viktig å kose seg med de små mens en kan.
    Ønsker deg en fortsatt flott vår/høst :)

    SvarSlett
  2. Du skriver så fint om livet og om naturen.
    Er så fint å lese. Ja så fint at jeg ble helt rørt.
    Takk for et vakkert innlegg!

    Og tenk så har jeg gått glipp av bildene av de skjønne barna deres.
    Bra jeg fikk se dem nå!
    En stor rikdom dere har!

    Ufattelig trist det som skjedde på Stord,
    Skal ta dem med i mine bønner.

    SvarSlett
  3. Heilt sant det du skriver Kristina:)du er flink med ord og få det ned på papiret❤️
    Synest høsten er så vakker,bare den vakre naturen,fantastisk!

    Nyt kvelden:)
    Klem fra Lillian

    SvarSlett
  4. Viktig å nyte livet,,,:-) det er ei fantastisk nærtid med ungane. Er noken år si eg og slutta å sjå framover, det blir aldri bedre, berre nye uante utfordringer. Så nyt Livet, Åndedraga, eg syns livet er herlig no og trass prøvelser. Jesus har uansett alltid noken skjulte skatter til åpenbaring,,,

    SvarSlett
  5. For en nydelig bukett du har tatt bilde av under her ♥♥ Skikkelig skjønne alle sammen :))
    Det var sterke flotte ord du skriver over her.Jeg har tre barn og bare en bor hjemme nå:/ Det er rart og litt hardt faktisk♥
    Men så glad de utvikler seg til selvstendige mennesker og at de synes det er godt å komme hjem til mor og far ♥
    Heldigvis går det bra med minsten,men han fikk en reaksjon da storebror måtte reise tilbake etter høstferien ♥
    Gleden er stor når de kommer hjem ♥

    God helg skjønne du ♥ Så glad det finnes slike som deg skal du vite :)

    Klemmer
    Bentemor

    SvarSlett
  6. Så nydelig skrevet, Kristina:-) Viktig perspektiv på livet dette - men et er ikke alltid så lett å se det sånn. Godt å bli minna på på en sånn fin måte<3 En god klem til deg i dag, fra Barbro.

    SvarSlett
  7. Tusen takk Kristina, dette trengte jeg å lese i dag <3

    SvarSlett

Tusen takk for at du tar deg tid til å legge igjen ein kommentar hos meg! Det blir eg veldig glad for. Du kan kommentere sjølv om du ikkje har ein google-konto ved å hake av på "anonym" under.

Related Posts Plugin for WordPress, Blogger...