mandag 30. april 2012

Vakkert ugras!

I går kom Sara og Jonas inn med to store bukettar engkarse til mammo. Dei var så stolte så stolte, og mammo vart så glad så glad.

Skjønne lilla blomar som står i blomstring no.






Hugsar frå eg var lita at eg ikkje trudde mamma snakka sant då ho sa dette eigentleg var ugras. 

Ugras eller ikkje, dei er iallefall søte.




I morgon blir det gi-bort her på bloggen min. Så følg med, følg med :)

Ha ein fin kveld/dag allesaman.


K

lørdag 28. april 2012

Glimt i frå hagen

Det er hagetid!

Tid for å luke i bed, så blomar og få skikk på alt det som ikkje vart ordna i fjor.

Jordbæråkeren som vart planta forrige sommar ser ut til å trivast. Å kor me gledar oss til å plukke jordbær frå eigen hage! Såg kor ungane koste seg med dei få bæra som me hausta i fjor. Håpar på litt større avling i år.






Klatrerosa har begynt å vekse. Jippi! Eg blir så glad kvar gong eg ser at noko ser ut til å trivast i hagen :)



På den nystøypte plattingen framfor inngongspartiet har ein einsleg pellargonium funne vegen. Fleire småblomar skal snart få halde denne med selskap.




Så til det kjedelege. Grunna lekkasje i nokre vannrøyr har me måtta grave opp omtrent halve hagen :/ iiik. Men no er skaden ordna og eit stort krater av eit hol dekka til.



Mange prosjekt står for tur for å få hagen og tomta slik me vil. Denne helga blir det gjort lite her. Mammo i huset jobbar natt og går derfor i ein døs om dagen. Kjenner likevel eg gledar meg til å få sett skikkeleg igong med å plante og ordne det koseleg rundt huset. Om eg har så grøne fingrar veit eg ikkje, men eg har funne ut at alt går an å lære seg. Berre ein har lyst til det ;)

Likar du hagearbeid?

Ynskjer alle ei fortsatt herleg helg :)

Kristina

torsdag 26. april 2012

Om å bli som barn igjen

Det er mykje me vaksne har å lære av barn, ja faktisk kan dei vere forbilder for oss på mange måtar.

Eit eksempel.

Vesleguten vår har nettopp lært seg å gå, vel 16 mnd gamal. Han er så stolt som ein hane! Struttar av glede og sjølvtillit medan han trippar rundt på golvet. Om han dett er han rask med å reise seg att. Han smiler og er så fornøgd med det han får til. Sjølvkjensla er på topp!





Han bryr seg ingenting om at mange av hans jamgamle lærte seg å gå før dei var fylt eit år. Han tenkjer ikkje over at han er sein og derfor ikkje burde glede seg. Han er fri frå det å samanlikne seg med andre! Istaden er han storfornøgd med det som han har klart, sjølv om han har brukt lengre tid på det mange enn andre.

Slik er ikkje me voksne, desverre. Me har så alt for lett for å måle oss opp imot andre. Me skal vere like flinke, like effektive, like produktive, like kreative, like sprudlande som alle andre. Resultatet blir ei konstant kjensle av å ikkje strekke til. Dette fører med seg dårleg sjølvkjensle og kanskje frustrasjon som igjen går utover våre næraste. Iallefall har eg opplevd det slik.

Det er mykje betre å akseptere seg sjølv slik ein er. Vere ærleg med seg sjølv og sjå sin begrensning. Då får ein det så mykje betre med seg sjølv og andre, og potensiale i oss vil kome tydeligare fram.

Jesus lærer oss å bli som barn. Å ikkje vere barnslege men barnlege. Å ha same tillit til Han som eit barn har til sine foreldre. Stole fullt og heilt på Hans kjærleik. Leve nær Han og la Han forsørge oss på alle livets området. Eit vers som betyr mykje for meg og som har blitt eit slags livsmotto for meg er dette:

"Søk først Guds rike og Hans rettferdighet, så skal du få alt det andre i tillegg". Matteus 6,33

Gud har omsorg for oss!


Kristina

onsdag 25. april 2012

Heng dei opp!

Med tre born i huset har det etter kvart samla seg opp eindel bamsar. Når dei i tillegg har mange andre leiker blir det lett rot i hop.

Etter å ha sett meg lei av å rydde på bamsar fann eg ut eg ville prøve dette:




Henge dei opp på ei snor!

Eg har brukt vanlege kleklyper i tre. Kjøpt på Nille. Festa ein krok i kvart hjørne av veggen og knytta opp hyssing. Veldig enkelt. Saman med bamsane har eg hengt opp små strikkaplagg i frå ungane var babyar.

Både dekorativt og praktisk, akkurat slik me småbarnsmødre likar det. Eller hur?




Om kvelden får minsten velge seg den bamsen han vil ha med seg i senga si. Altså blir bamsane faktisk meir brukt enn når dei berre ligg i ei røys på golvet. Generelt sett er mi erfaring dette: Orden i leikene = meir leik! (Dette krever ein smule meir av mor, noko som er ei utfordring oppi det heile. Likevel eit faktum som ikkje er til å kome bort i frå).


Tipset om bamsar på ei snor snappa eg opp i eit interiørblad long time ago. 

Takk for alle dei koselege kommentarane de legg igjen. Så fint at de ikkje har gløymt meg sjølv om eg har vore fraverande ei stund :)

Ynskjer ALLE som er innom ein GOD dag!

Klem, Kristina



tirsdag 24. april 2012

Ungane sin kunstvegg

I gangen mellom soveromma og badet vårt har me eit stort og rommeleg skap med skyvedører (forresten til å anbefale. Her blir ungane sine klede oppbevart i trådkorger, samt sengeklede, finsko etc. Å ha alt samla på ein stad gjer jobben med klesvask litt enklare. Berre eit lite tips :))








Kortsida av skapet er no blitt ungane sin kunstvegg. Festa med fancy(?) washi-tape blir teikningane som ungane har laga hengt opp.


 Kan de gjette kva favorittsysselen har vore her i huset sidan kunstveggen vart til? 


Ja nettopp, teikning! Sara og Jonas har fått ei ny iver over blyantane og storkosar seg med noko så enkelt som papir og fargeblyantar. Og den store motivasjonen er: Å få hengt teikninga si opp på veggen :)




Det er kjekt når det ein driv med blir sett pris på. Slik er det for borna òg.


Tilslutt vil eg seie tusen takk for så mange koselege kommentarar på det forrige innlegget mitt. Dåke e`gull!

Klem, Kristina

ps. Måtte berre ta med eit bilete av linselusa mi. Min vesle skjønning er stort sett hakk i hel på mammo si. Og slik vil me ha det. Ein kvardag med massevis av deilig tid saman.


mandag 23. april 2012

Det stoppa litt opp...

Bloggepausen vart litt lenger enn antatt. Det stoppa litt opp kan du seie, akkurat slik det har gjort for denne gamle lastebilen :)





Herleg look på den synest eg. Den var for stygg-fin til at me berre klarte å gå forbi den. Minna oss om ein slik mormor og dei åtte ungane-bil. Våre tre små måtte prøve.




Blogginga mi går visst litt i rykk og napp. Merkar at eg ofte føler ein slags tomhet etter å ha blogga mykje om interiør. Det ligg absolutt ikkje hjarta mitt nærast. Eg likar å ha det fint rundt meg og fornye/restaurere/ommøblere iblant, men føler at heile blogge konseptet fort kan bli eit imponeringsjag. Noko eg absolutt ikkje ynskjer. Vil nok derfor lage fleire innlegg som omhandler andre tema enn berre interiør framover. Ideelt sett skulle eg hatt tre bloggar: ein mammablogg, ein interiørblogg og ein blogg med ord til ettertanke. Her nord i bygdo blir det ei salig blanding av alt dette :)

Eg håpar at akkurat DU har det bra i dag!


Klem Kristina



tirsdag 3. april 2012

God påske!

Vil berre få ynskja alle ei velsigna  god påskehøgtid!






Blir ein liten bloggepause her. 
Er tilbake om ikkje så lenge.


Påskeklem fra Kristina

søndag 1. april 2012

Kvitveis!

Årets fyrste bukett med kvitveis vart med meg heim frå skogsturen i går. Det er ingen tvil om at våren er komen for å bli. Det viser kalenderen også.











"No livnar det i lundar,
no lauvast det i lid,
den heile skapning stundar
no fram til sumarstid

Det er vel fagre stunder
når våren kjem her nord,
og atter som eit under
nytt liv av daude gror

Du vår med ljose dagar,
med lengting, liv og song!
Du såpr at Gud oss lagar 
ein betre vår eingong."

Elias Blix







Våren er fantastisk. Den viser oss at sjølv det som ser heilt dødt ut har kraft i seg til å vekse opp og bli fargerikt og fint igjen.

Livet har også sine årstider. Nokre gonger føler me at me ligg i dvale. Ting kan verke trist og leit. Då er det godt å vite at våren vil kome. Med all si kraft til å skape noko nytt. 

Takk Gud for våren.



Kristina


Related Posts Plugin for WordPress, Blogger...