søndag 25. desember 2011

Fortsatt GOD JUL!

Ville berre ta ein liten tur innom og ynskje alle ei fortsatt god jul.



Bileta eg viser er fra julekrybba vårFor oss er dette med Jesu fødsel det viktigaste med heile julefeiringa. Det at Gud vart menneske og kom til jorda for å gi livet sitt i bytte for meg og deg, det er stort å tenke på. Då alt såg som mørkast ut og menneska eigentleg var fortapte kom Jesus til jorda. Slik er det ofte i mennesker sine personlege liv også. Når alt håp er ute er det ein som står for døra og bankar på, klar til å hjelpe. Det einaste Han krever er at me trur.


For nokre eit eventyr, for oss ein kilde til liv.  



Me har fine dagar saman med svigerfamilien. Håpar du også har ei god julefeiring.

Klem fra Kristina

fredag 23. desember 2011

Julekortbileter anno 2011

Alle julekorta er sendt ut i siste liten som vanleg og me har sett ny rekord for antal utleverte julekort. Det aukar for kvart år. Men me synest det er så kjekt å kunne sende ut ei personleg helsing til folk rundt oss. Ikkje alle kjenner me like godt, men godt nok til at me vil ynskje dei ei god jul!



Me synest også det er veldig kjekt å få julekort/brev. I år er julekort-haldaren vår sprengd (eit stort zink-hjarte). Hadde tenkt eg skulle fått ordne eit betre oppheng der alle korta kom meir tilsyne, men det får som så mange andre ting vente til neste jul. No skal me gløyme alt som ikkje er gjort og berre nyte dagane saman.



Nokre av bileta som vart tatt til julekorta våre. Vår herlege trio som me er så uendeleg glade i.


Dei fine strikkajakkene har flinka mammo mi strikka.



Jonas(3) Sara (6) og Benjamin (1)

♥♥♥
Ynskjer alle ei god litle-julafta

Klem fra Kristina



Du grønne glitrende...





Du grønne glitrende tre, goddag!
Velkommen, du som vi ser så gjerne,
med julelys og med norske flagg
og høyt i toppen den blanke stjerne!
Ja den må skinne,
for den skal minne
oss om vår Gud,
oss om vår Gud.

(Tone: Edvard Grieg.Tekst Johan Kroh)


I går fekk me pynta treet vårt og julestemningen byrjar å innta huset. Etter å ha vore inne med sjuke ungar siste dagane prioriterte eg i går kveld å ta meg ein heilt nødvendig luftetur. Ut. Frisk luft. Andre omgjevnader. Andre tankar. Utruleg kor godt det gjorde for sinn og skinn å gå ein tur i frisk kald vinterluft. Brått byrja eg å tenke på kor heldig eg eigentleg er. Tenk å få vere så priviligert! Bu i Norge. Ha ein god mann og herlege ungar. Alltid mat i huset. Treng ikkje fryse. Ingen alvorleg sjuke. Alle bagatellar om at eg ikkje har fått vaska ned kjøkkenet og ikkje har bakt alle sortane eg ville vart så små der eg gjekk. Eg kjende eg vart så glad og takksam. Eg ba og takka Gud medan eg trakk inn god og frisk luft. Det vart ein forfriskande tur. På alle måtar.


Eit av mine største førebileter ser du på veggen der. Min kjære mann. Han tenkjer alltid på andre fyrst. Ser han nokon som frys er han der og tilbyr dei låne jakken sin. Treng nokon hjelp til å byte bildekka sine er han ikkje sein med å svare ja. Både på jobb, her heime og ellers der han er ynskjer han å vise andre godhet og varme. 


Ein treng ikkje vere psykiatrisk sjukepleiar slik som mannen min for å vise omtanke til andre. Rett over gata sit det ein einsam mann. Litt lenger borti gata ein gut som ikkje har det så godt. Herre gje meg dine auge, så eg ser når andre har det vondt. Dette er mi og Ørjan si bøn for jula. Lat oss få bety noko for mennesker som ikkje har det så godt i desse dagar.

Klem fra Kristina

tirsdag 20. desember 2011

Dorull-nissar



Eg blir veldig inspirert av å lese andre kreative sjelers påfunn. Ei som eg tykkjer er veldig flink til alt mogleg er denne dama. Etter at ho viste fram sine søte dorull-nissar fekk eg lyst til at me kunne lage vår variant.




Ein søt liten nissefamilie har pynta opp i vindaugskarmen på kjøkenet vårt dei siste to vekene. Me fann ut at det måtte vere eit besteforeldrepar med sine to barnebarn. Men bestemødre no til dags har som regel ikkje grått hår. Denne her derimot går for den naturlege varianten. Det hadde ikkje vore det same med mørkelilla hår på ei nissekjerring :)


Litt mange juleverkstad-innlegg her i det siste. Det er rett og slett litt for min eigen del eg gjer det. Kjekt å samle saman idèar til neste års juleverkstader. Håpar jo også at det er nokon der ute som kan bli inspirert av det eg postar ;) ?
Takk for koselege tilbakemeldingar på dei forrige innlegga mine.


4 dagar att. Bruk dei godt :)
Klem fra Kristina (som har 2 sjuke ungar, er litt halvsjuk sjølv og prøver å heile tida tenke: det blir jul uansett. Mitt viktigaste oppdrag no er å få "the family five" friske til jul. Med litt ekstra omsorg og god pleie trur eg me skal klare det :)Mannen og gutane var på Høyland gard og kjøpte juletre i går. I kveld blir det juletrepynting, dersom formen tillater det. Det gledar me oss alle til 

lørdag 17. desember 2011

Aldri forseint....

.... å gjere ferdig eit prosjekt!



Denne tilda-nissen begynte eg på for 5-6 år sidan. Den har lege død i ei eske i alle dei åra, inntil i forgårs. Då fekk den endeleg eit fullverdig liv som nisse. Ein koseleg nisse synest eg. Akkurat passeleg nissete til at eg likar den veldig godt!

Herleg følelse når ein får gjort ferdig ting som har plaga samvitet i lengre tid!


Takk for at du kikkar innom bloggen min. Det set eg veldig stor pris på :)

Klem frå Kristina

fredag 16. desember 2011

Eit lite pip......

.... her i frå Nordbygdo. Travle tider no før jul har gjort til at bloggen har blitt nedprioritert. Men me lever i beste velgåande og nyter adventstida så godt me kan. Planen om å bli ferdig med julepresangane før desember gjekk absolutt ikkje i mål, så litt stress har det også blitt. Fekk litt hetta i går når eg tenkte på at det berre er litt over ei veke igjen til jul og samtidig tenkte på alt eg endå ikkje har fått gjort. Etter ein effektiv fredag har skuldrene senka seg bittelitt. Det blir jul uansett. Eg tenkjer at det gjeld å prioritere det som er viktigast. I kveld skal alle presangane pakkast inn. Ja for no er eg i mål,.... nesten. Den siste, som er den viktigaste, er alltid også den vanskelegaste. ♥ 



Adventskalenderen som består av ein aktivitet kvar dag har hjulpe oss (les meg) til å få gjort mange små kjekke aktivitetar med ungane. Slik som desse hjertene på biletet under, laga av raude treperler tredd på ein stålstreng. 
Engelen har eg laga på koseleg juleverkstad saman med veslesøstera mi og ei veninne. Kjekt med litt juleverkstad for oss store også.



Med inspirasjon frå andre bloggarar har me også perla snøkrystallar. Midt i blinken for Sara (6) og Jonas (3). Dei er veldig glade i slikt småputl.



Dette var det eg ville dele i dag. Håpar du har det fint i denne søte juletid ♥

Klem frå Kristina

torsdag 1. desember 2011

Advents-Tilda

Det er 1.desember og klart for adventskalender. Eg har i mange år tenkt at eg ville sy ein kalender og i år vart det endeleg noko av. Ein tilda-engel har fått seg ein heilt unik kalenderkjole, inspirert av dei fine maileg-kalenderane:)


Kvar dag fram til julafta vil advents-tilda gøyme på ein hemmeleghet i fyrstikkeska si. Det blir som oftast i form av ein lapp der det står noko kjekt me skal finne på den dagen, men det er ikkje fritt for at det kan snike seg med ein sjokolade, eller kanskje eit skattekart innimellom. I dag stod det på lappen at me skulle ha ein koseleg felles fruksot ilag, med kakao og heimelaga rundstykker. Det stod også at me skulle perle snøkrystaller ilag seinare på dagen.


Eg har vore litt bekymra for om ungane skal synast det er keisamt med ein slik aktivitetskalender, men eg har ikkje fått klage enno iallefall. Det vel kanskje me voksne som lagar oss slike unødvendige bekymringar...



Ynskjer alle ein fin 1.desember....og 2. og 3., til me bloggast igjen ;)

Adventshelsing fra Kristina

tirsdag 29. november 2011

Resultat frå trekning

Eg må fyrst få takke alle og einkvar som har deltatt i trekninga. Kjempegøy at så mange ville bli med! Totalt 183 lodd fordelt på 83 personer. Eg nummererte kronologisk frå fyrste til siste kommentar og brukte random.org til å hjelpe meg med trekninga.



Og vinnarane er:

1.premie: Randi med bloggen "borte bra, men hjemme best"
  
Result:
106Powered by RANDOM.ORG

2.premie: Henriette med bloggen SNIKKERBUO
  21

Gratulerar til dåke som vant :) Og til alle dåke andre vil eg takke så mykje for deltagelsen.
Me bloggast;)KristinaPowered by
Powered by

Siste frist!

I kveld trekker eg vinnerane av min Giveaway, så har du ikkje meldt deg på må du skunde deg og gjere det no. Klokka 20.00 i kveld er det for seint :) Trykk her og kom til giveaway-innlegget.


Takk for alle engasjerte kommentarer på forrige innlegg. Ja eg er heilt enig med deg Kristin, la oss starte ein "ta adventstida tilbake" aksjon.

Ønsker alle ein fin dag 
Klem fra Kristina

søndag 27. november 2011

Tanker rundt jula



Eg reflekterer over jula om dagen. Kjenner eg ikkje heilt kan vere med på utviklinga som skjer. Den gamle gode jula er ikkje lenger å finne hos mange. Folk har ikkje tid til å vente inkludert meg sjølv.

Folk et juleribbe, pyntar juletre, finn fram all julepynt allereie før me har komen til 1.desember! Så er det tid for adventskalender. Mange får pakkekalenderar eller legokalenderar o.l og me tenker at dette gjer barna lukkelege. Har ikkje barn nok småting frå før? Bakar gjere me òg, men før julekvelden er komen er boksane tomme. Me har ikkje tid til å vente lenger! Adventstida (ventetida) finnes ikkje lenger. Me kunne like gjerne kalla det for "juletid". 



For ein generasjon og to sidan var det heilt anleis. Då var adventstida prega av forventning. Ein såg fram til julehøgtida og ein gledde seg til kaker, frukt, gåver og god mat. Då sette ein verkeleg pris på tinga! Eg hugsar godt eg syntes mamma var litt streng då ho ikkje lot oss ete av julebaksten før julafta, men jammen smaka dei òg godt når me fyrst fekk lov å ete. Er me blitt ein bortskjemd generasjon som ikkje har takla materiell rikdom? Eller er det berre det at denne generasjonen er så mykje meir glad i jula, og derfor vil me strekke den over lengre tid?



I Julekveldsvisa syng me så fint: "No har vi vaska golvet og vi har børi ved. Og vi har sett opp fugleband og vi har pynta tre....." Veit ikkje om denne songen er så beskrivande for mange heimar i Noregs land lenger. Dersom me ikkje er medvitne på det vil me sige med straumen, som daud fisk i vatnet. Og kven er det som jublar? Tenker nok at handelsstanden er godt nøgde. Då har dei klart målet sitt. Kanskje er det jul frå oktober om nokre år, kven veit. 




Eg vil tenke bevisst over korleis vår familie skal feire jul og kva tradisjonar eg vil gje barna mine. Det handlar jo også om barneoppdragelse midt oppi alt. Å lære barn å kunne vente på noko og glede seg til, synest eg er ein god ting. Det er berre så alt for lett, å velge minste motstands veg. 








Dette er ikkje meint som eit peikefinger-innlegg, for mange av tinga eg skriv om gjeld meg sjølv. Men eg kjende eg trong å sortere ut litt tankar kring temaet, og då er jo bloggen ein fin arena ;)

Kva tenker du om dette?

Alle bilder i dette innlegget er henta frå google

Lyset er tent!

"No tenner vi det første lys
åleine må det stå
Vi venter på det vesle barn
I krybba lagt på strå"




Ynskjer alle ein fin 1.søndag i advent!


Kristina

fredag 25. november 2011

Utfordring: Adventsstake

Det er helg, men ikkje kva for helst helg. Den fyrste helga i advent 2011 er igong og alle hjarter fryder seg Advent er ei veldig koseleg tid og me i vår familie gledar oss til dei komande vekene.

Adventsstaken er funnen fram og no ventar me berre på å få tenne det fyrste lyset. Dette er kjøkenadventsstaken vår som eg fann på eit lite antikvitetsmarked for eitpar år sidan. Betalte vel ein tiar for denne lysestaken som har levd eit tidlegare liv i Sverige.




Jul for meg handlar blandt anna om tradisjonar. Eg hugsar sjølv frå min eigen barndom kor koseleg det var når mamma fann fram adventstjerna og adventsstaken fredagen før fyrste søndag i advent. Gode assosiasjonar og minner frå tidlegare juler kom fram og me kunne glede oss mot nok ei gledeleg julehøgtid. Eg synes det er kjekt å kunne bruke den same julepynten år etter år litt utskiftingar blir det jo alltids.

Henriette og Helene med bloggen SNIKKERBUO gav meg puffet til å ta bilete av min adventsstake. Dei har nemleg ei utfordring gåande; vis oss din adventsstake! Ta ein kikk her og sjå dei andre bidraga.

Ikkje gløym min give-away. Berre fire dagar att til trekning. Har du ikkje meldt deg på allereie kan du gjere det her

Då vil eg få ynskje alle ei innhaldsrik og god helg!

Klem frå Kristina

torsdag 24. november 2011

Heimelaga kjøken på guterommet

 Det var vel no eg skulle vist fram bileter av ein adventspynta heim, men så langt er eg ikkje komen endå. Tradisjonen tru ventar eg til fredagen før fyrste søndag i advent med å finne fram adventsstaken (oops..det er visst i morgon allereie det)


Her i huset har omgongsjuka sett ting på hovudet dei siste dagane.
Eg og mellomsteguten er over det verste. Får berre håpe dei andre 3 slepp unna. Slikt eit besøk kan berre dra sin veg.



I mangel av julerelaterte innlegg viser eg nokre bileter av den gamle kommoden eg har laga om til eit lite kjøken på guterommet (med litt hjelp av min hjelsame mann. Kva skulle eg gjort utan deg kjære?)



Eit hundemat-fat er felt ned i plata. Kokeplatene er malt på og over der har eg hatt kontaktpapir (prøvde først utan men det viste seg å ikkje vere så smart, då malinga ikkje var vannfast) :)



På kjøkenet deira har eg samla ei salig blanding av nye og gamle små ting som skal gjere matlaginga deira koseleg. På ønskelista står frukt og grønnsaker, og andre "mat" leker. Gjerne i tre eller stoff :) (Dette siste var til dåke tantene som lurer på kva dei ønsker seg til jul).


Tallerkenhylla som hang på kjøkenet vårt tidlegare har komen inn her. Litt mindre enn den andre, men likevel stor nok til å romme det den skal. 


Medan eg leitar fram adventstjerna og vaskar på sengkler full av oppkast, håpar eg at du som les bloggen min har ein god dag.

Klem fra Kristina
Godt at slike bloggeklemmar ikkje er farlege på noko måte :) 



mandag 21. november 2011

Tallerkenhylle på kjøkenet

Me hadde ei tallerkenhylle på kjøkenet vårt, men den var for liten i dybden til at eg fekk plassert fata mine i den. Då eg malte kjøkenveggane fann eg ut at eg ville nytte høve til å byte om på tallerkenhyllene. Den som hang på guterommet var mykje bedre i størrelse og mål. Dermed har tallerkenhylla som tidlegare tente som bokhylle på gutane sitt rom komen inn på kjøkenet vårt.



Tallerkenhylla er malt i ein gråfarge litt mørkare enn veggen vår. Morgendis er namnet på den fargen. Veggen er malt med fargen Skagen. Hylla kjøpte eg brukt for 75 kr. Då såg den slik ut.


Endeleg har eg fått ein plass til dei fine gamle fata mine ♥


Knaggrekka under er veldig praktisk tå å henge kjøkenhandkler, smikker og andre nødvendige saker. Den er frå Hubsch. "Skittentøy"-posen er kjøpt på Kremmerhuset. Her havnar alle skitne smikker og handler/klutar før dei kjem vidare til vaskemaskina. Eg skal love deg at det sjeldan ser så ryddig ut i denne delen av rommet. Her blir fort ein samlestasjon av tomflasker, papp og papir (som eg samlar i den kvite papirposen) og  andre ting som skal vidare.



Det nærmar seg advent med stormskritt. Denne veka må eg prøve å bli klar til å gå advent i møte. Ei herleg tid, så lenge ein klarer å unngå å stresse for mykje. Det er mitt største mål, å prøve å førebu jul med kvilepuls! Er du godt i gong med juleførebuingane?

Ha ein fin mandag :) 



Klem frå Kristina

fredag 18. november 2011

Eit år er gått...

...sidan me vart velsigna med ein liten skatt.


18.november 2010 kl 11.47 fekk eg for fyrste gong kjenner din hud mot min. Fantastisk augneblikk som eg aldri kjem til å gløyme. Like uforgløymeleg som då dine to søsken vart fødd.


Hentesettet strikka eg av nøstebarngarn. Oppskrifta fann eg også hos dei. Eit sett eg brukte lenge og vel. Kan anbefalast.


Trekløveret vårt som me er så uendeleg glade i 



Gratulerar med 1 års dagen din i dag Benjamin. Du er solstråla vår du :)


Håper alle der ute har det bra (kanskje ein smule overfladisk sagt?:) Ikkje så mange blogginnlegg frå meg i det siste. Kjem nok sterkare tilbake om litt. Har nokre småprosjekt eg skulle vist dykk. 

På gjensyn!

Related Posts Plugin for WordPress, Blogger...