fredag 29. april 2016

Så mange inntrykk iløpet av ein dag. Vern sinnet ditt.

31 år. Snart 32. Likevel så påverkeleg. Eg innser kor viktig det er at eg er medviten på kva eg fyller sinnet mitt med. Dagleg blir eg nærast bombadert av inntrykk, både gjennom sosiale media og elles. Det pågår ein kamp. Alle vil nå meg, fange meg, påverke meg. Med sin bodskap.

Ikkje alt er til oppbyggelse. Noko riv meg ned og gir meg ei dårleg kjensle. Likevel er det ofte slik at eg går tilbake til dei kjeldene likevel. Eg gløymer på ein måte det eg tenkte sist og lar meg lokke til å tru at dette var noko som gir lukke. Slik er det med alt det som ligg i det ytre trur eg. Det som handlar om fasade. Interiør, utsjånad, karriære, status. Me trur at desse tinga gjer oss lukkelege, og faktisk talt gir dei oss ofte ei lukkerus. Men kor lenge varer denne rusen? Den er omtrent som med blodsukkeret etter å ha ete sukker og raske karbohydrat; rett opp og rett ned igjen. Ja faktisk så hamnar ein ofte lenger ned enn utgongspunktet. Bevar ditt hjerte fremfor alt du bevarer, for livet går ut i frå det står det i ordspråkene. Eg må vakte meg for kva som får tak i hjarta mitt. Det kan kvele livet i meg.

Kjære Gud, hjelp meg å søke dei rette kjeldene. Dei som gir liv til sjela og ånda i meg. Hos deg Gud. Der er det liv, der er det ånd, der er det glede.

Eit vers som betyr mykje for meg: Gled dere i Herren alltid, igjen vil jeg si Gled dere! La deres milde sinnelag bli kjent for alle mennesker. Herren er nær. Vær ikke bekymret for noe, men la i alle ting deres bønneemner komme fram for Gud i bønn og påkallelse med takk. Og Guds fred som overgår all forstand skal bevare deres hjerter i Kristus Jesus. Amen. Filiperne 4, 4-5

Eg ser at eg må ta nokre grep og bli litt meir disiplinert. Til mitt eige beste. Eg må ha reglar for meg sjølv for kva eg fyller sinnet mitt med. Det vere seg kva eg ser på av TV/film, tid eg bruker på Instagram (har ikkje facebook), kva magasin eg les for å nemne noko. Ikkje for regelen si skuld, men fordi eg vil det og fordi eg treng det. Dersom noko oppbygger og gir glede, ja då er det greit. Derimot dersom noko berre gir ei kjensle av mismot eller at me t.d ikkje har det fint nok samanlikna med andre, då kan eg like godt kutte det ut. 

For min del, i ein travel fase av livet med mange små å ta seg av, kjenner eg ofte på at eg ikkje strekker til med alt eg skulle fått gjort. Skulle gjerne hatt meir orden her heima og at det var litt ryddigare og reinare. Då er det ikkje alltid så inspirerande å fylle meg med inntrykk som formidler at alt er på stell. Det er ikkje det som gir meg ny energi og nytt mot til å stå på vidare. I beste fall gir det meg nytt mot til å stå på og vaske og rydde, ordne og pusse opp. Det som skjer i lengden er at eg berre blit mismodig, for det fungerer ikkje med 5 barn. Dessutan er det ikkje det som er prio 1 for meg. Det er ungane. Menneska rundt meg. Ørjan. Relasjonar. 

Derfor les eg bloggar om andre som er i same situasjon som meg. Andre med fleire barn enn gjennomsnittet og andre som er heimeverande. Dei fleste deler også mi kristne tru, men ikkje alle, og dei fleste er amerikanske. Då kjenner eg at eg blir oppmuntra, inspirert og får ny giv i rolla mi som mamma til 5. Eg er så takknemleg for desse fantastiske mødrene som deler av liva sine og erfaringane dei har gjort seg. Dei har betydd og betyr framleis mykje for meg. 

Me kan alle ha ulike arenaer som gir oss ny energi og nytt mot. Det er så forskjellig fra person til person. Eg trur berre det er så viktig at me er medvitne på kva me bruker tid på og kva me les/høyrer/ser iløpet av ein dag. Det er så lett å flyte med strømmen og gjere som alle andre. Kvifor bruke tid på noko ikkje fører til noko bra? På tide å renske litt opp? På same måte som er opptatt av kva me et og fyller kroppane våre med av matvarer, så skulle me og vere medvitne på kva næringsstoff me fylle sinn og tankar med. Det har lett for å bli litt mykje tomme kaloriar. Andre gongar kan det rett og slett bli litt for tung kost. Å berre lese dystre nyhender dag ut og dag inn gjer heller ikkje godt. Eg kjenner på at eg treng ein pause fra den fine avisa me abbonerer på. Å lese om ny ekteskapsliturgi kvar dag verkar inn på meg. Eg kjenner mismotet koma snikande. Og må på ny søke dei rette kjeldene i livet mitt. Då blir eg minna på dette igjen  Gled dere i Herren alltid, igjen vil jeg si Gled dere. Uansett omstendighet. Trua løfter oss over det synlege.

Hausten 2014


Dette er gode kjelder for meg:

  • Guds ord! Tid på å lese Bibelen, andaktsbøker og anna kristen litteratur
  • Bloggar og Instagram kontoar som gir meg inspirasjon til å vere mamma
  • Tid med mannen min! Beste samtalepartner. Tommelen opp for deg kjære Ø
  • Turar i skog og fjell, eller berre ein rusletur i nabolaget viss det er det tida tillater.
  • Aleinetid her heime i stova. Kosar meg med å rydde og lage det fint.
  • Bra musikk. Utruleg kor musikk kan bygge opp! I skrivande stund høyrer eg på JesusCulture med Kim Walker Smith. Eg høyrer på mykje forskjellig musikk, men omtrent berre med tekstar som samsvarar med trua mi. Det er dette som gir meg noko.
  • Venner. Face to face.


Tilslutt må eg berre sei at eg er så glad for at me for ca 4 år sidan valgte å kutte TV heilt. Me har TVskjerm men utan kanalar. Eg hadde lett for å sige ned framfor skjermen og sjå tilfeldige program, særleg dersom eg var trøtt og sliten. Det er veldig få gongar me har sakna det. Og når me har nettTV er det heller ikkje så drastisk. Ungane får likevel sjå program dei vil på den måten. Me slepp det der at TVen er midtpunktet i stova og at det heilt automatisk blir slått på når kveldsroen senkar seg. Deilig. Det blir meir slik at me går til data eller Ipad dersom det er noko spesielt me ønsker å sjå. Då blir det eit medvite val, heller enn at me ser på det som måtte bli servert til ei kvar tid. 

Vær velsigna i valga du tar i jungelen av medium som florerer. 

Klem fra Kristina

Er det forresten motsignade at eg skriv dette samstundes som eg legg ut innlegg som handlar om nettopp interiør innimellom? Dobbeltmoral? 

onsdag 27. april 2016

7 ting eg er takknemleg for no



I dag er eg takknemleg for:


  • Nytt (gamalt) kjøleskap. Me har lenge berre hatt eit kombiskap på kjøkkenet. Det blir for lite for ein stor familie. No er eg veldig glad for at me fekk kjøpt eit rimeleg og tilsynelatande godt kjøleskap på finn.no som me kan ha i boden. 
  • Årstider. Våren er nydeleg. Me har hatt fine dagar med sol i det siste. Det gir energi merkar eg, og det kan eg verkeleg trenge litt av. D-vitaminer kan me også trenge etter ein vinter.
  • Samholdet blant ungane. Krangling er det hos oss også, ingen tvil om det, men eg ser også eit sterkt samhold vekse fram imellom dei. Mammahjerta blir varma når eg høyrer dei skryt av kvarandre, spør om  dei andre vil leike med dei, eller ber kvarandre om tilgjeving. Då tenker eg, YES, dette vil me ha meir av.
  • Helse! Me er alle friske og det er noko å vere særleg takknemleg for. 
  • Har alt me treng materielt. Det er sjølvsagt ting me ønsker oss og skulle likt å hatt. Likevel har me ALT me treng for å klare oss. Takknemleg for reint vatn, hus, bil, klær og sko. Takknemleg for at eg har ein mann som forsørger oss.
  • Snopestopp! Takk familien min, for at dåke vil vera med meg på snopestopp ein månad. Eg treng å få inn meir sunne kosthaldsvanar og kutte i sukkerinntak. Kjenner allerede kor bra det er for kroppen. Ungane var med med ein gong, dei ville og ha snopestopp når mamma skulle ha det. God hjelp, då er me saman om det ;)
  • For at me skal få ha 4 veker ferie saman som familie i sommar.
Det er så lett for at klaging og misnøye snik seg inn i sinn og tankar. Å velge takknemleghet om morgonen når ein står opp er med å beskytter mot akkurat dette. Det går an å velge takknemleghet og etterkvart endre tankemønsteret slik at det blir heilt naturleg å tenke over det ein har å vere glad for. Det er så alt for lett for at me fokuserer meir på det me ikkje har enn det me har. Det kan lett stjele gleda ifrå oss og føre oss inn i eit nett av misnøye og klaging.

Det finnes alltid noko å takka for


Bildet er i frå ein tur me hadde i Røldal hausten 2014


Håpar DU har det bra der du er. Klem frå Kristina 









søndag 24. april 2016

Tannglas DIY


Eg hadde eigentleg lyst å kjøpe sånne moderne koppar med bokstavar på. Kvite melamin med forbokstaven til kvar av ungane. Men når eg har 5 av dei så hadde det blitt ein formue. Betre å laga noko sjølv då, tenkte eg. Me trong nemleg å få litt betre system på tannkostar og tannkremtubar på badet vårt.



Eg brukte:

Kjøkkenglas





Tavle-klistermerker kjøpt på Clas Ohlson
og tavlekritt.



1 - 2 - 3, ferdig.
Enklare blir det ikkje.




Me har fått betre orden på tannkostane og ungane har fått kvar sitt tannglas. 
Dei var godt nøgde iallefall. 






Om ikkje krittet blir fort viska bort? Jo, det blir det om det kjem mykje vatn over det. Ikkje verre enn å skrive på ny bokstav. Kjem nok til å vaske glasa for hand når det er tid for det. Om dei nye tannglasa vil fungere i lengden veit eg ikkje, men eg tok sjangsen og prøvde.

Desse klistermerka med tavleoverflate er kjekke til mykje forskjellig. Har brukt dei til å merke nokre boksar på Sara sitt rom blant anna. 



Det er kjekt å prøve ut idèar ein får. Noko funkar bra og noko funkar mindre bra. Kvafor ein av kategoriane denne DIYen kjem innunder er eg litt usikker på ;) Så langt er eg nøgd. Ikkje minst fordi dette tok meg veldig lita tid, og fordi me no har meir orden i tannhelsetinga til ungane (etter at eg hadde knipsa bildene vart det putta oppi kvarsin tannkremtube og tanntråd-pinne i glasa, men sidan det står at eg bloggar om i n t e r i ø r i headeren min så måtte eg nesten gjere det sånn kan du veta. Elles ville det blitt aaaltfor masse fargar og mønster av teite figurar. Eller hur? Skikkeleg juks, akkurat slik ekta rosabloggara ska gjera da :) :) 


Måtte dagen/kvelden din bli god.
K




fredag 22. april 2016

Denne boka ønsker me oss

Bilderesultat for øisteins blyant

Som tidlegare nemnd har eg tegneglade barn. Her ein dag kom jenta vår Sara heim frå skulen med kopiar i frå ei Øysteins-blyantbok ho hadde fått. Eg ser at dette er ei bok me må ønske oss, for dette var noko både ho og 5- og 7åringen vår likte godt. 


Her har Sara tegna ei ku ferdig og no begynt på ei geit. Med steg for steg forklaring gjer det det enklare for ungane å få det til.






Jonas og Benjamin vil og vera med å tegne. Eg ser at dei hentar mykje inspirasjon i storesøstera si.









Trur me må skaffe oss ei slik bok/hefte. No startar bursdagssesongen snart her i heimen (frå mai til sept har 6 av 7 bursdag) Hint hint til bestemødre, tanter og onkel som kanskje les bloggen*smil*. 

Dette var så kjekk aktivitet at eg måtte dele det her på bloggen og. 
Skulle nesten tru eg er sponsa, men det er eg altså ikkje. Frivillig reklame :)



Kärnan Aktivitetsbok Lær å Tegne Dyr

Takk for at du tok turen innom bloggen. Eg set pris på dåke kvar og ein ♥
Ha ein fortsatt fin dag allesaman.

Klem fra Kristina

torsdag 21. april 2016

Te-selskap i stova



Mikael er flink til å oppvarte mamma. Her serverer han te til meg.
Barnemøblane og leikene de ser på bildet har me fortida ståande i stova. Det er mest fordi me ikkje har plass andre stader. 3 gutar deler soverom, medan minstemann søv med oss og prinsessa på snart 11 har sitt eige rom. Me er altså 7 personar som deler på 3 soverom. Går fint det :) Det skal seiast at me har eit fjerde rom disponibelt, men då det ligg i underetasjen og er ganske lite så er det ingen av ungane som har lyst å ha det. Alle dei andre 3 soveromma ligg i hovedetasjen der stove og kjøkken og er. Dei vil helst sove nær oss, og så langt har det berre virka positivt inn på søskenrelasjonane at dei har delt rom.  




 Denne guten er full av liv og glede heile dagen. Ein kan ikkje anna enn å bli smitta ;)


Dette vart reprisebilde for dei som er på instagram. Der kan du finne meg på @nordibygdo

Måtte dagen din bli innhaldsrik og god.
Klem

tirsdag 19. april 2016

Kvardagen vår, del 4




Her kjem fjerde og siste del i serien om kvardagen vår. Eg tenkte kanskje det kunne vere kjekt for andre få eit lite innblikk i kva me driv med, me som berre går heima ;) Me sitter nemleg ikkje heima. Ei heller står me ved kjøkkenbenken heile dagen. Slik visse politikarar får det til å høyrast ut til :) Eg trivst godt med å vera heima, og det gjer resten av familien min og. Trivst med å ha ei heimeverande mamma altså. Sara seier det ofte. Ho er så glad for at eg er her når ho kjem frå skulen. Å gi dei aller minste ein roleg start på livet er også uvurderleg meiner eg. Det er fordelar og ulemper med alt, og ingen familiar er like. Å velge å leve utanom A4 er ikkje alltid berre fryd og gammen, og derfor synest eg det er viktig å løfte fram at det faktisk er ein mulighet å vere heime med sine eigne barn. Også i 2016. Me blir ikkje rike på pengar og gull, men me får dele tid, opplevingar og kvardagar ilag. Det er gull for oss.   




I skogen


 




Desse turbileta er vel tatt medan det var helg, då eg ikkje hadde nokre andre tilgjengelege. Dette med skogsturar er noko eg har planar om å gjere meir av framover. Held på å trene Svein på 6,5 mnd til å sitte i bæresele på ryggen inne. Så kan me ta turar der det ikkje er så lett å ha vogn med og. Berre våren kjem for fullt no så blir det endå enklare. Å vere ute i naturen er fantastisk. Med niste i sekken og gjerne ein termos med noko varmt i er det noko som er veldig verdifullt å benytte tid på. Forhåpentlegvis er det opplevingar ungane vil hugse. På det øverste bildet steikte me pannekaker på stormkjøkken. Stas.









Terrasse-liv



Her spikker gutta. Benjamin og Jonas har sin eigen speiderkniv medan Mikael bruker ein vanleg smørekniv med taggar.


Teiknesaker blir tatt med ut på terrassen ein fin vårdag.










Hente storebror i barnehagen

Det er også eindel av kvardagen vår. Pappen leverer når han går på jobb i 8 tida og me henter som regel. Det varierer litt når me henter, vanlegvis mellom 1400 og 1500 ein gong. 





 På veg heim






Dette var siste del av serien kvardagen vår. For å lese dei andre delane kan du:




#Selfie på leikeplassen
 Klem frå meg og gjengen min ;-)

#hjemmeværende #heimeverande #hjemme med barn #heime med barn 

søndag 17. april 2016

Kvardagen vår, del 3

Det er påtide med eit nytt innlegg i serien kvardagen vår

I 3. og 4. del av serien vil eg vise litt av det me gjer når me er ute om dagane. Dette handlar primært om tida fram til ca klokka 16.00 på dagane. Mikael på 2,5 og Svein på 6 mnd er heime med meg full tid, medan 5 åringen går i barnehage men har fri ca 1 dag i veka. Då er det klart me må ut! Viser her eit utval av det me gjer på. Ikkje alle dagar energien er like fullt tilstades, så ikkje tru eg er så energisk som det kan sjå ut til, hehe *smil*. Bilder kan lyge :/ Trøtthet får eg koma tilbake til i eit anna innlegg.

Desse to siste delane vil bestå mest av bileter. Obs! Maaange bileter ;)




På leikeplassen 



                                   Me testar sjølvutkøysaren på kameraet ;-)









Mountain Buggy dobbelvogn. Babyen i bag bak og det største barnet framme. No er Svein blitt for stor til å ligge slik som her, men dei kan sitte framovervendt begge to. Mikael på 2 1/2 år er både veldig flink til å gå og likar å gå, så for det meste bruker eg berre enkeltvogn.






Bileta under er frå ein ny barnehage i nærleiken, så denne kan berre besøkast når barnehagen er stengd. Ungane kosar seg her.






Besøke biblioteket




 Tur til biblioteket er ein sikker vinnar. 







På baby- & småbarnssong
Dette skjer ein gong i veka og er ein stor favoritt hos ungane. Kjekt er det for meg å
treffe andre mammer og. Fekk tilatelse frå dei andre å poste desse bileta på bloggen :)




















Tur med venner


 




 Å gå tur ilag med venner og sjå på dyra er ekstra stas. 


Dette var glimt i frå livet vårt heime. Ikkje alle bileta er heilt nye, som desse siste tre med sauene på. Dei vart tatt i fjor vår. Eg er ikkje alltid like flink til å ta med meg kamera så det måtte bli nokre av eldre dato med venner på. 

Fjerde og siste del vil koma iløpet av denne veka.

Ønsker alle som er innom ei strålande god veke. Hugs at uansett kva situasjon du står i så er det håp! Sjølv gjennom den mørkaste tunnel vil lyset koma. Mist ikkje trua, den vil bære deg gjennom alt. Ingenting er umuleg for Gud 

Kristina
Related Posts Plugin for WordPress, Blogger...